Kombîyayîşê Pêroyî yê Neteweyanê Yewbîyayeyan (NY) ra verî vizêr bi hes hezaran kesî New York de rayraşîyayîş kerd û waşt ke vera vurîyayîşê îklîmî hîna zaf çalakîyî bêrê kerdene.

Qasê 700 rêxistin û komê aktîvîstî beşdarê çalakîye bîyî. Rayraşîyayîş de pankarta 'Biden peynîya sotemenîya fosîle bîyare', 'Sotemenîya fosîle ma kişeno' û 'Mi seba şewat û laserî veng nêda' ameyî akerdene.

Kombîyayîşo Pêroyî yê NYyî roja sêşemeyî do dest pêbikero. Serekê Amerîka Joe Biden zî lîsteya îdareyê kombîyayîşî de yo.

Dîrektora koma aktîvîstan Center For Popular Democracyî Analilia Mejia vat: ''Ma tîya de yê ke biwazê rewşa îklîmî ya lezabeze cade bêra îlankerdene.''