Wextê îşxalê cerganê DAÎŞî de Dêra Zorê de xebatê zîretî vindertbî. Dima ke şaristan ame xelisnayene Meclîsê Sivîlan ê Dêra Zorê seba ke zîret reyna aktîf bikero xebitîya. Meclîsê Sivîlan se ra 85 îstasyonê awe aktîf kerdî, kooperatîfê zîretî ronayî û citkarî seba berardişî teşwîq kerdî.

Dêra Zorê de nika 42 îstasyonê awe estê.

Endamê Komîteya Kooperatîfanê Zîretî yê Dêra Zorî Xelîl El Mihemedî da zanayene ke seba nê îstasyonan jeneratorê ceyranî û mazotî ameyî peydakerdene.

Mihemedî eşkera kerd ke Komîte citkaran rê hetkarîya mazot, sil û bezreyî zî kerde.

Hemserekê Komîteya Ekonomî ya Dêra Zorî Enes Hasanî zî pare kerd ke seba serrewextê neweyî yê zîretî planê înan amade yê. Hasanî îfade kerd ke ê do erazîyanê zîretî de se ra 60 genim, se ra 15 cew û se ra 22 zî berhemê bînî do bêrê ramitene.