Colemêrgo ke wayîrê koyanê pîlan, gelî,  newal, çem û cemedanê pîlan o, rixmo ke nika payîz o tede çar mewsîmî qewimîyenê.

Wareyê Berçelanî de ke çimeyêkê cuye yê merdimîye yo, cuye dewam kena. Xeymê koçeran kewenê verê çimanê merdiman û awa serdine ya kanîyan bena çimeyê cuye. Rixmo ke hînî zimistan dîyeno koyan de vilê reng bi rengî est ê.

Hetê çepî yê Wareyê Berçelanî de Koyê Reşî û koyê bînî yê heybetînî asenê. Merdim beno heyranê nê koyan. Leweyanê nê koyan de qertelî gêrenê, serê koyan de cemedê pîlî est ê û golî zî na awa cemedî ra bîyê. Gola Lîse û Gola Seyîdxanî. Rixmê pêro qedexeyan zî nê koyî reyna vanê ke hêvî hertim est a.