Koyê Cûdîyî de 3 serrî yo ekolojî yena qirkerdene. Herêmê Koyê Cûdîyî bi bahaneya 'asayîşî' yenê qedexekerdene û nê herêman de qereqol, kalekol û rayîrê leşkerîyî bi destûrê walîtîye yenê viraştene.

Binê Koyê Cûdîyî yê hetê Silopîya de nêzdîyê dewa sûryanîyan Hesena de par qereqol virazîyabî coka tede xeylêk darî bi destê qoricîyan ra birîyabî. 4 serranê peyênan de Cûdî de 55 kuleyê leşkerîyî virazîyayî û bi 69 kîlometre rayîrê betonî virazîyayî. 

Seba ke xoresnayîşê kule û herêmanê leşkerîyan nêzdîyê dewa Cifanî de ocaxê kerrayan ame awankerdene. Dîmenan de aseno ke herême de ekolojî yena talankerdene. Seba destvistişê kerrayan xeylêk cayanê koyî de dînamîtî yenê teqnayene. Nê dînamîtî zeraranê pîlan danê xoza. Qoricîyî dîmenan gênê û hesabanê xo yê medyaya dîjîtale de vila kenê.