Vakurê Kurdîstanî de amadekarîyê zimistanî yenê kerdene. Cinî û camêrdî salçe, tirşî, konserve, rîçelan virazenê û sebze û meyweyanê xo kenê wişk. Qezaya Sûrî ya Amedî de zî cinîyî hê amadekarîyanê xo hêdî hêdî temam kenê.

La cinîyî dîyar kenê ke par înan kîloyêkê balcanan 3 lîra ra hêrînayêne la emser 13-17 lîra ra hêrînenê.  

Muyessele Bîlbaya ke axpîna xo ya Baxçeyanê Hevselî ra berhemê xo arê dayê û amadekarîya xo ya zimistanî kena vat: ''Ma îsotî axpînê xo ra arê dayî la reyna zî ma rê nêvejîyeno. Mi bazarî ray tay çîyî hêrînayî ke wişk bikera. Par ma zaf çîyî amade kerdî la emser her çi zaf vay o. Ez cîrananê xo ra deyn kena. Meaşê min ê kokimîye est o la tay o.''

Cinîyêka bîne Kezîbane pare kerd ke goreyê parî emser înan hîna zaf amadekarîye kerda û vat: ''Par mi 2 tewre balcanî koz kerdbî la emser ez nêeşkaya tewreyêk zî debikera. Ma çî vajê zî çîyêk nêvurîyeno.''

Necla Çelîk vat: ''Par ma 3 lîra ra balcanî hêrînayêne emser  vaya ci 15 lîra ya. Ma seba zimistanî 500-600 xerc kenê la nêvejîyeno. Par 100 lîra bes bi. Ma goreyê parî hema nêeşkayê nêmeyê dolaba cemedî debikerê. Krîzê ekonomîkî cîyefê ma kerdê veng.''