Merdimê ke verî amadekarîya Roşanê Qurbanî kerdêne, emser neçare manenê ke keyeyê xo de bimanê û nêşorê sûkan. Roşniştoxanê Colemêrgî derheqê tesîranê krîzê ekonomîkî de ANFyî rê qisey kerd.

Şîrîn Karamanî ard ziwan ke verî roşanan de înan domananê xo rê çîyêk hêrînayêne la emser nêeşkenê. Karamanî vat: ''Doneyanê TUÎKî ra di qatêr enflasyon est o. Merdim nê çîyî bazar de hîs keno. Hêzê merdiman çin o ke çîyêkî bihêrîno. Çîyo ke ma par 3 lîra ra hêrînayêne nika bîyo 15 lîra. Verî, roşanan ra hewteyêkî verî sûkî de bîyêne. Hînî boya roşanî nêmendo. Merdimî raşta zî nêeşkenê debara xo bikerê.''

Seyfettîn Telekî vat: ''Roşanê parîn û emserînî cîya yê. Cuye zaf bîya vaye, enflasyon zaf zêdîyayo. Seba ke vaya sotemenî bîya vay şekerê roşanî û werd benê vay. Par kîloyêkê şekerî 15-20 lîra bi emser 100-150 lîra yo. Merdim senî mîyanê nê şertan de roşanî fîraz bikero.'' 

Fîkret Taşî vat: ''Krîzî ra hêz û îmkanê ma nêmendo ke ma domananê xo rê çîyêkî bihêrînê. Ma nêeşkenê birînç, kinc, şeker bihêrînê. Tamê roşanî nêmendo. Merdimî bêkef, bêhêvî yê. Ma kewenê verê domananê xo. Rewşa merdiman xemê hukmatî de nîya.''