Polîtîkayanê şerî yê AKPyî ra meseleyê sektorê heywankarîye dewam kenê. Zêdîyayîşê vaya êm û genimî ra heywankarî nêeşkenê debara xo bikerê û neçare manenê ke heywananê xo biroşê. 2022 de xeylêk heywanî ameyî rotene.  

Îqtîdarê AKP-MHPyî binê nameyê madenî û operasyonanê leşkerîyan de xeylêk waran de heywankarîye bêtesîr kerde. Heywankaranê herêma Serhedî zimistanan şinê Riha, Amed, Mêrdîn, Xarpêt û şaristananê bînan. La seba vaya resayî zî 4 qatî zêdîyaye heywankarî herinda koçkerdişî de heywananê xo roşenê.

Serranê peyênan de Brezîlya, Çekya û Avusturalya ra heywanî yenê hêrînayene. Bi giranî heywanê Angus, Simental û Montofonî hêrîyenê. Heywankarî vanê ke şert û mercê xozayî seba wayîrvejîyayîşê nê heywanan îmkan nêdanê coka nê heywanî bi giranî zere de yenê weyekerdene û teyna seba serebirnayîşî yenê tercîhkerdene.