Şewato ke herêma Besta ya mabênê Şirnex û Sêrtî 12ê temmuze de dest pêkerd pê vilabîyayîşî dewam keno.

Şewato leşkeranê tirkan operasyon de veto, gama ke xo bi xo şîyênî hewna seba ke artêşa tirke pê helîkopteran hêrişê ci kerd, newe ra bi gir. Şewato ke Şirnex de dest pêkerd bi pîl û heta Koyê Herekolî yo ke Sêrt de yo vila bi.

Herêma de cayê roniştişî tede çîn o têna daristano xorî yo heta nika artêşa tirke xeylêk rey şewat vet û zafê warê herême vêşayî bîyî wel.

Reyna herême de darê seserran ke hetê qorîcîyan ra yenê birnayene û pê kamyonan yenê kiriştene û rotene.

Çaçewa projeyê  bejrayîrê Şirnex-Wanî yo ke Herêma Besta de yeno domnayene de heta nika bi desan darî ameyî qirkerdene.