Têkoşînê azadîye bi cesaret û fedakarîye rayîrê tarîxî bewlî kenê. Mîrasê Zîlane Têgêrayîşê Azadîye yê Kurdan de bi meşaleyêke. Halît Oral bi teqîpkerê na xete. Halît Oralo ke 1971 de Mêrdîn de ame dinya, 1998  Zîndanê Mereşî de bi çalakîya “Şima nêeşkenê tîja ma tarî bikerî ” no adir tafîna. Bi girêdeyîya xo seba Rayber Apoyî bedenê xo da adirî ver. Halît Oral Zapî ra ruhê azadîye kirişt Rojawanî û bi sembolo bêmerg ê têkoşînî.

Halît Oral serra 1971î de Omerlîya Mêrdînî de keyeyêkê welatperwerî de ame dinya. Rîyê zextanê dewlete ra keyeyê ci 1978 de bar kerd şi  Çukurova, Îskenderun. Hesretê Kurdîstanî tim zerrîya ci de ganî mand. Îskenderun de dest pê dibistanî kerd la serrêke ra pey caverda. Xeylê karan de xebitya ke paştî bido ekonomîya keyeyî la qet karêk o tatmîn nêkerd. Mektubo ke Rayber Apoyî rê verdayo ûca de zî qala tengayîya ke metropolî de ante, keno. 1992 de tewrê falîyetanê cepheyi bi û game eşt sefanê PKKyî. Binkewtişî rê tehemule ci çîn bi; her karê xo waştêne bi serkewitşî bikero. 

1994î de seba ke Rayber Apoyî de bêro têhet, kewt  rayîr la 4ê gulane de tepişya. Zîndanê Mersînî ra Konya rê ûca ra zî Zîndanê Ermenekî rê surgun bi. Zîndan de pawitişê Rayberîye wendî, kêmatîyanê xo de ame têrî û vera falîyetanê vera partî têkoşîn kerd. Bi vatişê  “Mi qet xeta û kêmayîye de pênêkerd, ez tim şîya înan ser” nasnameyê xo yo xoverdayox pawit. Zîndan semedê ey warê şerî bi.

Gama ke 1998 de prosesê komployê mîyanneteweyîyî yê vera Rayber Apoyî dest pêkerd, Halît Oral cayê xo de nêvindet. Kombîyayîşan de ard ziwan ke tehdîtê dewleta tirke yê vera Sûrîye planê hedefgirewtişê Rayber Apoyî yê û tehluke nîşan da.Temasê Barzanî û Talabanîyî yê Amerîka û Tirkîya sey parçeyêkê komployî hesibnayî û vat gerek çîyêk bêro kerdene, nê ser vindert. Qerar girewt ke vera komployê vera Rayber Apoyî adirî ra barîkatêk rono. Çalakîya xo nimite plan kerd.  Şewa ke 8ê teşrîna verêne pestêne 9ê teşrîna verêne saete 03:00 de Zîndanê Mereşî de çalakîya xo kerde. Xoverdayîşê Mazlûm Doganî yê Koguşê 35. ra îlham girewt. Bêveng şi hucereyê xo, kincê laynonî kerdî piray, ber bi bendî zixma girê da. Kolonya kerd xo rê û bedenê xo fîna ta.

Mîyanê kila de bi slogananê  “Bîjî Serok Apo!” û “Bi can, bi xwîn em bi te re ne ey Serok!” qîra. Embazanê ci waşt bikewê zere û ey bixelisnê la Halît Oral qerardar bi. Vat “Hemrayî vindê ez biveşî”  û waşt çalakîya xo temam bikero. Mîyanê kila de nîşanê serkewtişî kerd û wîya. Hela ke embazê ci resayê ci zafê bedenê ci veşa bi. La o sakîn û bi ruhê îsyankarî cilanê xo de qeldîya ra. Gama ke personelê zîndanî û leşkerî ameyî bi nîşanê serkewtişî înan rê meydan wend, bi wîyayîşî binkewtişê înan da rîyê înan ro.

Çalakîya Halît Oralî bîye çîqa verêne ya xoverdayîşê “Şima nêeşkenê tîja ma tarî bikerî”. Halît Oralo ke bi çalakîya xo waşt komployê vera Rayber Apoyî betal bikero bi têkoşîn ke heta hemrayan Alî Aydin, Bulent Bayram, Selamet Menteş, Aynure Artan, Mehmet Gul û Mirza Sevimli bi derg. Mektubê xo yê Rayber Apoyî de vat, “Beno ke çalakîya mi dewleta tirke rê peyde game nêdo eştene la dinya do sereyê înan rê bikero zîndan.” Sey Şehîde Zîlane bi vatişê, “Wêrîkna teberê ganê ma de çîyê ma yê bînî zî bibiyênî ke ma bidayêne.”heskerdişê xo yê seba Rayber Apoyî ard ziwan.

Halît Oral fermandarêk bi ke tarîx û ameyox zerrîya xo de ciwîyayêne. Sey mîlîtanê Tîje,serkêşê barîkatê adirî têkoşînê azadîye de bi bêmerg. Adirê Halît Oralî her vinceyê herra Kurdîstanî de veşeno.