Dêrsim de dorme û zereyê Çemê Munzurî de lêşinîye zêdîyena. Hetêkî ra awa kanalîzasyonî ya Pilurî hêrikîyena Çemê Munzurî hetêkê bînî ra zî xeylêk çopî nefes nêdanê çemî. Kanalîzasyon û çopî dorme de mîktarê oksîjenî kêmînenê. Coka nebat, dar û heywanî zî zerar vînenê.

Temsîkarê Komeleya Xoza ya Dêrsimî Ozkan Aslanî ard ziwan ke heta nika nê meseleyî nêameyî çareserkerdene û ganî hînî verê na lêşinîye bêra girewtene.

Aslanî vat: ''Merdimî pîknîkî ra dima çopanê xo arê nêdanê. Seba kanalîzasyonî zî ma hewceyê tesîsêkê pakkerdişî. Ma hê peynîya xo anê, eke wina şêro cayêkê bi nameyê Dêrsimî do nêmano. Binê nameyê turîzmî de Dêrsim vurîya warê rantî. Her ca bîyo beton. Îhaleyê ci yenê kerdene la tesîs nêvirazîyeno. Dewlete warê kurdan de mudaxeleyê xoza kena. Îqtîdar pê şîrketanê xo xozaya ma çin kno. Vera nê kerdişan ganî pêro hemwelatîyê Dêrsimî têkoşîn bikerê.''