Nê serranê peyênan de tayê welatê ke aver şîyê de xeberê zurî medyaya sosyale de vejîyenê vernîye ke, nê xeberî eşkenê bi serkewtişî netîceyanê weçînayîşan de bibê wayîrê tesîrî.

Goreyê persnameyê şîrketê cigêrayîşî yê Kanada Center for Internatîonal Governance Innovatîon (Ipsos), her 100 kesan ra 86 kesî tewr kêmî reyêk qenaetê xo bi xeberanê zuran anê. Se ra 86 kesê ke başdarê persnameyî bîyê vanê, tayê yan zî temamê xebaranê zuran medyaya sosyale de, bi taybetî Facebookî de yenê weşanayene. Merdimê ke vanê ma xeberanê bi nê hawayî medyaya sosyale de vînenê se ra 77 wayîrê hesabê Facebookî yê, se ra 62 zî wayîrê hesabê Twitterî yê. Persnameyî de ame eşkerakerdene ke welatanê sey Misir, Nîjerya, Hîndîstan, Çîn, Meksîka û Hong Kong de, xeberê zur ê ke serê medyaya sosyale ra yenê weşanayene sewîyeya se ra 56’î ra heta 60 merdimî xapênayê.  Goreyê persnameyî, Fransa de se ra 38, Dewletê Yewbîyayeyî yê Amerîka de se ra 36 merdimî qenaetê xo bi xeberanê zuran anê. Balkêş o ke no nisbet Pakîstan de xeylî kêm o û no nisbet Pakîstan de se ra 26 o.