Dewa Elmali ya bajarekê Pêrî yê qezaya Mazgêrdî ya Dêrsimî de hetê Kooperatîfê Averşîyayîşê Zîretî ra emser erazîyê bi 240 donuman de wextêkê dergî ra dima kuncî ame ramitene. Erazîyê kuncîyî de verê cû sebzeyî ameyêne ramitene.

Hemşaredarê Pêrî Orhan Çelebî yo ke herinda ci de qeyûm ame tayînkerdene tewrê xebetan erazîyî bi. Çelebîyî ard ziwan ke înan dest pê ramitişêkê neweyî kerd û verê cû kuncî tewr zêde a herême de ameyêne romitene. Çelebîyî îfade kerd ke herême de romitişê kuncîyî newe ra yeno kerdene û vat: ''Ma sey kooperatîf bibê wesîle ke kuncî hetê cirkaranê ma ra bi hawayêkê zêdêrî bêro ramitene. Ma kooperatîf û citkaran reyde pîya kuncîyê xo ramenê.''