Yeno waştene ke Gêxî de ocaxê madenî bêro akerdene. Seba ocaxî ÇEDî raporo pozîtîf da. Platformê Xozaya Gelîya Pêrî Îstanbul de bi eşkerayîyêke raporê ÇEDî protesto kerd. Temsîlkarê xeylêk partî û rêxistinan zî tewrê eşkerayîye bîyî.

Eşkerayîye de ame vatene ke şarê herême rê derheqê madenî de agahîyêke zî nêameye dayene û ganî zengînîyê erdî yê Gelîya Pêrî pêşkêşê şîrketêka madenî nêrê kerdene. 

Platformî pare kerd ke raporê ÇEDî îlegal û Gelîya Pêrî qaşo bi qanûnan yena pawitene. Platformî bale ante ser ke 20 serranê peyênan de Çewlîg rîyê maden û HESan ra zaf zerar dîyo. Platformî vat: ''Ma nêwazenê pê madenan herêma ma biherimîya. Wa dewlete erkê xo bîyara ca û herême bipawa. Uca de gorê ma, fîrazî, vîrameyîş, xeyalê ma est ê û ma do meverdê ke şima nînan birijnê.''