Bi wesîleyê 8ê Adare Roja Cinîyan ê Kedkaran a Dinya Herêma Cizîre de semedê Şehîde Hevrîne Xelef leyeqehêk ame akerdene.

Lehegeho ke tede 12 hezarî ra zafêr leyî estî amadekarîya ci hîrê mengî verî dest pêkerdbi. Dayîka Hevrîne Xelef Sûad Mistefa, temsîlkarê dezgehanê sîvîlan, endamê PYDyî, Partîya Ameyoxî ya Sûrîye, Meclîsê Keyeyanê Şehîdan, Kongra Star, Komîteya Ekolojî û temsîlkarê Şaredarîyanê Şarî tewrê akerdişê leyegehî bîyî.

Dima ke Sûad Mistefa akerdişê leyegehî kerd Endama Koordînasyonê Cinîyan ê Îdareyê Xoserî yê Herêma Cizîre Perwîne Yusif qisey kerd. Yusife 8ê Adare fîraz kerd û vat ronayîşê nê leyegehî ramojeno ke ma rêçê şehîdanê xo de yê.