Tutinê Bedlîsî hem dinya de namdar o hem zî çimeyê debarî yê şaristanî yo. 1ê temmuze de qanûnêk vejîya. Goreyê qanûnî cixareyo pêşte ame qedexerdene.

Bedlîs de hezîrane de tutin yeno ramitiş û kanûne de çinîyneo. Dewa Hervesî ya Bedlîsî tutinê xo roşena xeylêk şaristananê Tirkîya.Pandemî ra verî tutinê Hervesî roşîyayêne Îran zî la nika berardoxî nêeşkenê xo bidevirnê.

Fatîh Oguz 10 serrî yo karê tutinî keno. Oguz vano noqtayanê asayîşî de dest nîyeno tutinê înan ser û ceza dîyena berardoxan. Oguz vano: ''Ma pê tutinî debarê xo kenê. Eke dewlete bace wazena ma do bidê ci. Ez pê tersan tutinê xo roşena. Tay kesî vanê qedexe yê tay kesî vanê serbest o. Ma nêzanenê ke se bikerê.''

Dima ke TEKELî British American Tobacco rot nameyê markayan ê bînan zî ameyî rotene.

Oguzî derheqê babete de vat: ''Amerîka ra, wekalatanê bînan ra tutin yeno welatê ma. Çira ê înan serbest ê la ê ma qedexe yê? Tutinê ma xozayî yo. Ma pê zor û zehmetî amade kenê.  Domanê mi, cinîya mi ma pîya zaf kede danê ci. Raşta zî ma zaf qerqilîyenê.''