Qeyûmî şewêke de bi seyan darî tira kerdî

Taxa Uçkuyularî ya qezaya Yenîşehîrî ya Amedî de darê ke aşmêke verî ameybî ronayene, hetê wezîfedaranê qeyûmî ra ameyî tirakerdene.

Taxa Uçkuyularî ya qezaya Yenîşehîrî ya Amedî de aşmêke verî bi seyan darê çamî ronîyabî. Darî şewêke hetê xebatkaranê şaredarîya qeyûmî ra ameyî tirakerdene. Roniştoxanê taxe da zanayene ke înan selahîyetdaran ra sebebê nê qirkerdişî persa la selahîyetdaran cewab nêdayo înan.

Roniştoxê taxe Vahap Guneyî pare kerd ke darî semedê TOKÎ ra ameyê ronayene û xebatkaran pê fermanê hetkarê walîyî darî wedarîyayî. 

Gunayî vat: ''Tay îdîayê vanê ke seba ke kerrayê kişta rayîrî bivirazîyê nê darî wedarîyayê. Ma fam nêkerd ke înan çira darê neweyî berdî.''