Pezkovîyî goreyê bawerîya elewîtîya Rayê Heqî ya Dêrsimî fîraz ê û sey 'heywanê Xidirî' pênase benê.

Verî Dêrsim û Çewlîg de seba seydwanîya pezkovîyan îhale amebi kerdene. La nêrazîbîyayîşê şarî ra dima bira îhale wedarîyaye û seydîya pezkovîyan ameye qedexekerdene.

Rixmê qedexeyî zî qirkerdişê pezkovîyan dewam keno. Qezaya Mazgêrdî ya Dêrsim de pezkovîyêk hetê seydwanêkî ra ame kiştene. Dima ke dewijan gerreyê serebûtî kerd seydwanî rê cezaya pereyî ya 27 hezar û 777 TL dîyaye.