Şirnex de Têgêrayîşê Cinîyan ê Azadan (TJA) û Meclîsê Cinîyan ê HDPyî yê Şirnexî vera vêşnayîşê koyan û HESan ê dewleta tirke çarçewa kampanyaya 'Ma xo pawenê' de eşkerayîyêke daye. Hemsereka HDPyî ya Şirnexî Sabuha Akdag, çalakîkerê TJA û xeylêk cinîyî tewrê eşkerayîye bîyî.

Çalakîkera TJA Emîna Înan eşkerayîye wende û îfade kerd ke dewleta tirke bi serran o Kurdîstan de qirkerdişan kena û vat: ''Vera nê qirkerdiş, talanan têkoşînê ma yê cinîyan do dewam bikero. Bi mengan Cûdî, Gabar û Besta vêşayî la selahîyetdaran çîyêk nêkerd. Ê wazenê xozaya ma talan bikerê, çin bikerê. Ma venga pêro cinîyan danê ke vera qirkerdişê xoza bêveng nêmanê.''

Eşkerayîye bi sloganê 'Ma xo pawenê' û ramitişê daran qedîyaye.