Dinya de 117 welatî û 6475 şaristanî hetê gemarîya hewayî ra ameyî analîzkerdene. Goreyê raporê 2021î, Tirkîya gemarîya hewayî de rêza 46ine de ya. Şaristanê Tirkîya û Vakurê Kurdîstanî mîyanê welatanê Ewropa de ameyî analîzkerdene. Goreyê raporî Ewropa de şaristano tewr gemarin Îdir o.

Gemarîya hewayî her serre bena sebebê mergê 7 mîlyon însanan. Raporê gemarîya hewayî her serre hetê şîrketa teknolojîyî ya Swîsre IQAirî ra yeno hedrekerdene. Şîrkete, bi goreyê peymanê Rêxistina Weşîye ya Dinya (WHO) analîzan kena. Goreyê raporê na şirkete, se ra 97î yê şaristananê dinya de gemarîya hewayî est a.

Goreyê standartanê WHOyî mîyanê 6475 şaristananê dinya ra tena 222 şaristanan 2021î de hewayo pak girewto.