Endama Komeleya Cigêrayîşanê Kurdkî Remzîye Alparslan derheqê teda û polîtîkayanê asîmîlasyonî de ANFyî rê qisey kerd.

Remzîye îfade kerd ke tarîxê Komara Tirkîya de tim vera kurdan polîtîkayê înkar û asîmîlasyonî ameyê caardene û vat: ''Dewleta tirke wexto ke kurdkî, nasname û waştişê kurdan vejîyenê werte dêsêkê neteweyîyî awan kena ke sîstemê xo bipawa. 

Ronîyayîşê Komara Tirkîya ra nata vera polîtîkayanê asîmîlasyonî kurdî xo ver danê. Ewro hema zî qedexeyê kuedkî, qedexekerdişê kitabanê kurdkî, destbendkerdişê dengbêjan dewam kenê. Nê hêrişî armanc kenê ke ziwanê kurdkî bêro qijkerdene û bi nê hawayî neslê neweyî kurdkî ra xo dûrî bigêrê. 

Krîmînalîzekerdişê kurdkî, qijvînayîşê kurdan, kultur û ziwanê kurdkî zerarêkê cidîyî dano kultur û ziwanê kurdan. Îqtîdarê AKP-MHPyî seba ke estbîyayîşê ci dewam bikero hêrişê kurdkî keno.

Polîtîkayê asîmîlasyonî çinkerdişê ziwan û nasnameyê kurdan hedef kenê. Ganî vera ney tewirê ma zelal bibo. Ganî ma seba çareserîya meseleyan têkoşîn bikerê, nasnameyê kurdkî berz bikerê, estbîyyaîşê xo bipawê û azadîya xo bîyarê ca. Ganî ma bi hawayêkê zelalî statuyê nasnameyê kurdkî dîyar bikerê û biwazê.''