Varanî xeylêk tesîrê qezayanê Qerqelî, Saray û Elbakî yê Wanî kerd. Dewanê Hesentemiran, Memedalan û Astecoyî de 50 heywanî laser de merdî. Erazîyê zîretî yê şarî zî binê awe de mendî. Qezaya Elbakî ya Wanî de awe kewte keye û axûran. Herême de laserî ra semed hezaz virazîya û 2 kesî binê hezazî de mendî. Dima wird kesî zî ameyî xelisnayene. Qezaya Sarayî de şîwan Alî Ozlu birîndar bi.

Qezaya Qamuşanî ya Qersî de zî awe kewte keye û kargehan. Bi taybetî taxanê Înonu, Erenler û Cumhurîyetî de laserî zerarêko pîl da. Xeylêk keyeyî ameyî vengkerdene. Qezaya Qaxizmanî de dewanê Çalli û Qerebaxî de zeraro madî virazîya. Dewa Çalliyî de axûrêk rijîya û tede 5 heywanî merdî.

Qezaya Gîyadînî ya Agirî de rayîrê sînorî yê Îranî binê awe de mend û dewa Qerebazarî de laser werişt û zerar resa erazîyanê zîretî ser.