Têgêrayîşê Azadîye yê Cinîyanê Êzidîyan (TAJÊ) vi wesîleya roşanê Çarşema Sor mesajêk erşawit.

TAJê mesajê xo de da zanayene ke komelê êzidîyan pê kultur, tarîx û bawerîya xo ya qedîme yenp naskerdene û vat: ''Seba ke ma kulturê xo bipawê ganî ma her tim xo ver bidê. Rîxmê 73 fermanan zî şarê ma kulturê xo ra fek vera nêda. Roşanê êzidîyan xoza temsîl kenê. Coka wayîrê manayêka pîle yê.  Roşanê Çarşema Sor zî roşanêkê êzidîyan o. Çarşema Sor de êzidîyî perwerîya xo ya seba xoza îfade kenê.

Ma bi wesîleya Çarşema Sor venga êzidîyan danê ke welat û teberê welatî de yewîya xo awan bikerê. Nika ma rîyê vîrusê Korona ra nêeşkenê bêrê pêser û roşanê xo fîraz bikerê. La se beno wa bibo ma keyeyanê xo de roşanê xo fîraz bikerê. Hêvîya ma aya ke Çarşema Sor biba wesîleya azadî û xoserîya Şingalî û komelê êzidîyan.''