Herêma Serhedî de emser vewre nêvarena. No zî citkar, komeleyanê xoza û aktîvîstanê ekolojî qerqilneno. Aktîvîstê ekolojî Fatîh Şahînî û Vervatoxê Platformê Ekolojî yê Zîlane Mîr Bahattîn Demîrî  derheqê babete de ANFyî rê qisey kerd.

Fatîh Şahînî ard ziwan ke vewre seba herêma Serhedî zaf girîng a û vat: ''Bi emîsyonê vewra herême hêdî hêdî helîyena û çemî benê ziwan. Merdimê herême karê citkarîye û heywankarîye kenê coka ziwatîye zaf tesîrê înan  kena. Ziwatîye ra dewijî neçare mendî ke heywananê xo biroşê.''

Şahînî bale ante ser ke polîtîkayê şaşî yê xoza û mezgê şerî zî zerarêkê pîlî danê herême û vat: ''HESan ra çeman de awe nêmanena û gandarî mirenê. Daristanî bi polîtîkayanê şerî yenê vêşnayene, mîmarîya şaşî, sondajî, madenî, ocaxê xîz û kerrayan cografyaya ma herimnenê. Deşta Mûşî, Koyê Agirî, Koyê Sîpanî, Koyê Cîloyî de vewre kêmîyaye. Îdir, Qers, Colemêrg de tewirê nebatan kêmîyenê.''

Vervatoxê Platformê Ekolojî yê Zîlane Mîr Bahattîn Demîrî îfade kerd ke warê keskî yê herêma Serhedî se ra 40î mîyanê 20 serran de kêmîyayê û vat: ''Herême de bê raporanê ÇEDî ocaxê madenî yenê akerdene. Floraya herême xeripîyena. Wan de goreyê qiseyanê citkaran seba ke vewre nêvarena genimî zî benê wişk.''