Germbîyayîşê hewayî ra dima vilik, gul û darî mujdeyê wisarî danê. Vame Rojawan de meyweyo verên ê wisarî yo. Herême de tewir tewir vamî estê. Vamî zaf bifayde yê. Rojêke de lapêkê vaman seba kixe, kanser, bêgonîye, şeker û leşî ra şîfa yo. Rûnê vaman zî îlaweyê şampuanan beno. Pê dîyayîşê wisarî cinîyî dest pê arêdayîş û wişkkerdişê vaman kerd.

Ezîme Mehmûda kobanêyîje îfade kena ke ê her serre kedêka pîle danê vaman. Ezîme vat: ''Leyê vaman 4 serran ra dima hêdî hêdî pîl benê û meywe danê. Ma tim daran derman kenê ke berhemî nêkêmîyê. Ma emser rîyê janî ra nêeşkenê vaman biroşê.''

Eyşe Mihemed Mistefa zî vat: ''Ma vamêran ra hem payîz de hem zî hamnan de berhem arê danê. Wextê arêdayîşî de ma hetkarîya yewbînan kenê. Vamî seba her nêweşîye bifayde yê. Ganî her roje lapêkê vaman bêro werdene.''