Vîrusê Korona reyde xizanî û bêkarîya Vakurê Kurdîstanî zêdîyaye. Vaşê ke koyan ra arê dîyenê bîyî çimeyêkê debarî yê roniştoxanê herême. Wan de bi seyan kesî pê nê vaşan xîret kenê ke debarê xo bikerê. Wexto ke qedexeyê vejîyayîşê teberî çin o merdimî verê xo danê koyan, seba weşîye û werdişî vaşan arê danê û merkezê qeza û taxan de nê vaşan roşenê.

Vaşê helîz, yelûng, ribêz, kengêrî yê qezayanê Elbak, Payîzava, Miks, Saray, Westan, Artemêtan, Erîş û Bêrgirî de hem seba nêweşîyan derman ê hem zî werîyenê.  Vaşê hamnanî 2 ra heta 10 TLyî yenê rotene. Vaşê ke arê dîyenê Amed, Mersîn, Adana, Îstanbul, Îzmîr, Antalya û Tekîrdagî rê zî erşawîyenê.