Dewa Şêxanî ya qezaya Payîzava ya Wanî de rîyê ocaxê mermerî ra 40 axurî amebî rijanyene. Leşker û qorîcîyan seba ke şar vera ocaxî vejîya serê ci de guleyî varnaybî. Vera talanê ekolojîkî nobeta şarî ya herême dewam kena.

Badê nêrazîbîyayîşê şarî Qeymeqamîya Payîzava ya Wanî  mecbur mend  semedê cigêrayîşê herême komîsyonêk na ro. Komîsyono ke xeylêk dezgehê dewlete tede ca genê raporêk amede kerd.

Rapor de wina ame vatene: Tozê mermerî semedê xoza û merdiman tehluke yo. Cayê mermerî rayîrê wareyî yo. Mermerê ke sey qalibanê girdan vejîyenê eke lêr bibê zirar danê merdiman, heywanan û keyeyan. Ocaxê mermerî verojê qilî de yo û dormeyê ci de barîyer zî çîn ê, cade binê ci zî axurî estî. Coka tehluke arz kena.