Vilabîyayîşê janê vîrusê Korona ra Kobanê de qedexeyê tebervejîyayîşî ame îlankerdene. Qedexe ra dima xeylêk dezgehê perwerdeyî derbazê perwerdeyê onlineyî bîyî. Zanîngehê Kobanê zî seba ke wendekarî perwerde ra nêmanê derbazê perwerdeyê onlineyî bi.

Hetkarê Hemserekanê Zanîngehê Kobanê Şervan Muslîmî îfade kerd ke seba ke wendekarî perwerde ra dûrî nêmanê ê do bi hawayêkê onlineyî perwerde dewam bikerê. Muslîmî da zanayene ke înan par zî bi online perwerde dabi û bi tecrubeyanê ê prosesî meseleyî çareser kerdî.

Muslîmî pare kerd ke mamostayî perwerdeyê onlineyî de wendekaran nêzdî ra teqîb kenê û înan meseleyan cade safî kenê.