Colemêrgo ke bi xozaya xo xeylêk dewlemend o, hingimênê ci pêro dinya de namdar o. La ziwatî û vurîyayîşê awhewayî ra semed berardişê hingimênî yê Colemêrgî xeylêk kêmîya.

Mehmet Çîftçîyo ke 20 serrî yo Colemêrg de hingdarîye keno ard ziwan ke emser baran kêm vara coka berhemê înanzî qasê nêmeyê ê parî kêmîyayî.

Çîftçîyî îfade kerd ke rixmê zor û zehmetîyan zî hingdarî çimeyê înan ê debarî yo û vat: ''Colemêrg de bi seyan kesî pê ney debarê xo kenê. Hingdarî karêko zehmet o. Ker kes nêeşkeno bikero. Hingdarî verî ganî xoza bişinasê, vilikan bişinasê. Hingî zî heywanê hesasî yê. Ê çita wazenê ganî merdinî ey bidê ci. Karê ma karêko asan nîyo.''