Endamê koma tîyatroyî wextê îşxalê Serêkanîyê de yewbînan ra cîya bîyî û 2021 de Koma Tîyatroyî ya Şehîd Darsîyî de resayî pê. Kome nika binê sîwana Têgêrayîşê Kulturî yê Hîlala Zêrîne yê Hesekê de xebatanê xo yê hunerî rê dewam kena.

Kome ra Fatma Fewaz Ehmed ard ziwan ke Serêkanîyê de prosesê şerî yê 2013î de senaryoyê tîyatroyî nuştêne û vat: ''Mi verî sey nuştoxe dest pê karî kerd. Dima mi dîrektorîye kerde. Mi bi taybetî giranîye daye tîyatroyê domanan ser.''

Farma bika Hîlala Zêrîne de perwerde dana 10 domanan. Fatma vat: ''Ez bi taybetî cinîyan ser o senaryoyan nusena. Ez hetê bînî ra zî domanan perwerde kena. Kayê ma komel yan zî cuya ma ra cîya nîyê. Ez nika kitabêkê estanikan amade kena.''

Zihar Cûma Tahiro ke 9 serrî yo karê tîyatroyî kena îşxalê Serêkanîyê ra dima di serran tîyatroyî ra dûr mendo û nika kome de ca gêno. Ziharî vat: ''Ez bi ziwanê xo kulturê xo pêşkêş kena.''