Turo diyîn ê weçînayîşanê Şaredarîyanê Kantonê Cenevre yê Swîsre 13ê nîsane de yo. Namzedê Partîya Keskan, Endamê Konseya Rayberdişî ya Şaredarîya Cenevre Alfonso Gomezî û şaredarê verênî Alfonso Gomezî ajansê ma rê qalê proseso ke serkêşîya Rayber Apoyî dîyayo destpêkerdene, kerd.

Alfonso Gomezî ard ziwan ke vengdayîşê ‘Haştîye û Komelê Demokratîkî’ zaf girîng o û vat: ‘’Ez paştî dana nê vengdayîşî. Cenevre paytextê heqanê merdiman o. Seba haştîye berê Cenevre tim akerde yê. Ma bi kêfweşî vengdayîşê Ocalanî pêşwazî kenê. 

Ganî komelo mîyanneteweyî tedaya dewleta tirke bikera. Seba destpêkerdişê dîyalogan û çekverdayîşî vengdayîş est o. Ganî komelo mîyanneteweyî zî tewrê nê prosesî bibo. Ez nê vengdayîşî bi kêfweşî pêşwazî kena. Ganî pêro sîyasetmedarî zî paştî bidê nê vengdayîşî û tedaya Tirkîya bikerê. Ganî Tirkîya seba dîyalogan bêra masa ser. ‘’

Gomezî da zanayene ke ganî nîqaşê serê azadîya Rayber Apoyî biqedê û o hinî azad bibo. Gomezî vat: ‘’Ganî Ocalan sey merdimêkê azadî bieşko masaya dîyalogan de ronişo. Eke terefê prosesî biwazê ma eşkenê Cenevre de nînan bikerê meymanê xo.’’