Hunermendê çewlîgijî Alî Dogan Gonultaşî albumo xo yo solo yo verên ''Gêxî'' vet.

Gonultaş pê nê albumî teberî ra ewnîyeno hîkaye, cu û welatê xo. Gonultaşî vatişê ''Ez gêraya xo'' yê Heraklitosî vist vîrî û îfade kerd ke o hema zî gêreno xo.  Hîrê eserê albumî sey single vejîyayî, album bi temamî do menga gulane de vejîyo verê goşdarîkeran. 

Alî Dogan Gonultaşî serra 1985î de qezaya Gêxî ya Çewlîgî de dadîya xo ra bîyo û o ronayoxanê Koma Zê Tijê ra yew o. Serra 2018î ra nata Gnultaş bi konseranê ''Xo bi Xo'' xebatanê xo rê têna dewam keno. Gonultaş ziwanê xo yê dayîke kirdkî reyde deyîranê bi kurmanckî û tirkî zî vano.