Bi vengdayîşê sîyasetmedaranê sey Ahmet Turk, Îmam Taşçier, roşnvîr-nuştoxo kurd Tarik Zîya Ekîncî, Rênas Jiyan, Selîm Temo, Fûat Onen, Şefîk Beyaz, Zana Farqînî, Samî Tan, Mîkaîl Bilbil, Kadrî Yildirim, karsaz Ferda Cemîloglu, huqûqnas Mehmet Emîn Aktar û Bunyamîn Şeker, hunermend Berfine Emektar, Mehmet Atli, Rûgeşe Kirici, nuştox-komelnas Îsmaîl Beşîkçî zî tede zaf nuştoxî, roşnvîrî, hunermendî, sîyasetmedarî, rojnamegerî û ziwannasî zî tede kombîyayîşê bi nameyê ''Torra Ziwan û Kulturî'' Otelêkê Amedî de ame serûberkerdene. Komxebate ewro û siba do dewam bika. Kombîyayîşî de zaf kesayetî amede bîyî.

Qiseykerdişê akerdişî yê kombîyayîşî hetê Serekê Komeleya Verî Domanan Cevahîr Sadak Duzgunî û Hemserekê PENA Kurde Samî Ranî ra ame kerdene. Cevahîr Sadak Duzgunî vat: "Ma 1ê êlule de ziwan û kulturî ser o kombîyayîşêk kerd û ma birre girewte ke torrêka ziwan û kulturî awan bikê. Na birre ser o ma zî tewrê embazan bîyî û na torre sey 'Torra Ziwan û Kulturî' hîra bikê. Ma seba ke ziwan û kulturê ma vîndî nêbo xîret bikê û bixebitê."

Hemserekê PENî Samî Tanî zî vat: "Ma wazenê ke munaqeşe bikê ke bi hişmendîya demokratîke û sibîle bernameyêk bivejê meydan. Armncê nê kombîyayîş taye no yo ke ma wareyê ziwan û kulturî de çarçeweyêke awan bikê. Ma pê bawer ê ke beşdarê na xebate do hêz bidê ma. Naye ra çend kes beşdarê ci bibo hende xurtêr beno."