Sîyasetmedar, parlamenter û endamê Heyetê Îmraliyî Îdrîs Balukeno ke girewtî yo, romanê xo yo dîyin o bi nameyê “Oko” amade kerd. Baluken do bi nê romanê xo yê dîyinî reyna bivejîyo duştê wendoxanê xo.
Parlamenterê Partîya Şaran a Demokratîke (HDP) yê verên û endamê Heyetê Îmraliyî Îdrîs Balukenî, Hepisxaneyê Sîncanî de kitabo dîyin nuşt.
Balûken bi romanê "Oko"yî reya dîyina vejîyeno duştê wendoxanê xo. Romanê Balukenî yo "Oko" do Weşanxaneyê Dîpnotî ra 14'ê Hezîrane de do bivejîyo û refanê kitaban de cayê xo bigêro. Balukenî nê kitabî bi çimê kesanê bindest û heme heq û rûmetanê înan ke yenê înkarkerdene û vîndîkerdene nîyadano û dinyaya ke bi têklîyanê bê têduşt û bê tehamulan ameya mûnayene fîneno çimanê ma ver û romanî de kutikî vera merdimanê ke xozayî talan û weran kenê de vindenê.
