Paytextê Katalonya Berselona de, seba azadîya Rayberê Şarê Kurdî Abdullah Ocalanî û tepişteyanê sîyasîyan konserê bi nameyê 'Seba Kurdîstanî Wextê Hêvîye' ame kerdene.

Konser bi paştdayîşê dostanê kurdan, Platformê Azadî, Ciemen, komanê bînan, rêxistinanê komelê sivîlî û partîyan ame kerdene.

Konsero ke bi şîarê 'Dona, Vida, Libertat! (Jin, Jiyan, Azadi!)' ame kerdene, tede hunermend Dîyar Dêrsim, hunermendê katalanî Clara Peya, Ebri Knight, Las Bajas Pasiones, Lil Rusia, Adala û Mabel Flores vejîyayî sehne ser.

Rêxistina Pawitişê Ziwananê Bindestan ra David Minoves, Partîya Newe ra Awankerdişî ya Komunîste ra Ramon Montavani, Partîya Çepgîre ra Ruben Wansberg, Wekîla Partîya Şarî ya Yewbîyaye Eulalia Reguan û Sereko verên ê Îdareyê Xoserî yê Katalonya Charles Puigdemond konser de amade bîyî.

Nameyê Komîteya Amadekarîye û Komîteya Jineolojî ya Katalonya ser o qiseykerdişî ameyî kerdene.