Festîvala Kultur û Xoza ya Dêrsimî emser mabênê 3-6ê tebaxe de bi şîarê 'Vera talanê madenan ma xoza û cuye pawenê' do bêra kerdene. Komîteya Amadekarîye ya Festîvale bi eşkerayîyêke bernameyê festîvale pare kerd. 

Eşkerayîye de venga pêro dêrsimijan û dostanê Dêrsimî dîya ke wa tewrê festîvale bibê. 

Bernameyê festîvale wina yo:

3yê tebaxe

-Bi qiseykerdişê Şaredarê Dêrsimî Mehmet Maçogluyî û Wekîla Partîya Çep a Keske Aytene Kordu startê festîvale do bêro dayene. (13.00)

-Kuçeyê Hunerî de panelê 'Elewîtîye û Dewlete', saete 14.00 de

-Panelê 'Erdlerzî', saete 17.30 de 

-Pêramotişê resim, fotograf û ahşapî, saete 19.00 de 

-Meydanê Seyîd Rizayî de mojnayîşê kayê 'Varvara-Simsime', saete 19.00 de 

-Meydanê Seyîd Rizayî de konserê Metîn Kemal Kahraman, Ulaş Delî, Musa Bakî, Mengene,  Hakely feat. Ensenble Cubafonica, saete 19.00 de

-Sûkê Yeraltiyî de dokumenterê 'Domanê 38î', saete 21.00 de 

4ê tebaxe 

-Kuçeyê Hunerî de panelê 'Serebûtanê Sîyasî û Rojaneyan', saete 13.00 de 

-Kuçeyê Hunerî de bernameyê muzîkî yê 'Ber be ber Kilamê Kirmancîye', saete 17.00 de 

-Meydanê Seyîd Rizayî de  kayê 'Memurî' yê Koma Tîyatroyî ya Şaredarîya Dêrsimî, saete 18.45 de

-Konserê Grup Îsyan Ateşî û Pinare Aydinlar, saete 19.30 de 

-Fîlmê ''Xo Vîra Meke'' û dokumenterê ''Dêrsime Dokunma'' do bêrê mojnayene, saete 20.00-21.30 de 

5ê tebaxe 

-Qezaya Puliirî de zîyaret, saete 11.00 de 

-Panelê serê medya û çapemenîya azade, saete 17.30 de 

-Meydanê Seyîd Rizayî de, tîyatro, saete 17.00 û 19.00 de 

-Meydanê Seyîd Rizayî de konserê Grup Vardîya, saete 19.30 de 

 -Fîlmê ''Zonê Ma Kotî yo'', saete 21.30-22.30 de

6ê tebaxe  

 -Panelê serê meseleyanê Dêrsimî, saete 13.00 de

-Kuçeyê Hunerî de, qiseykerdişê cinîyan, saete 15.30 de 

-Parka Mamekî de kayê domanan, saete 19.00 de 

-Meydanê Seyîd Rizayî de, konserê Hasan Alî, Pervîne Çakar, Yilmaz Çelîk, Koma Munzurî, Zeynepe Bakşî û Apolas Lermî, saete 19.30 de