Resame Cîhane Şahîn ard ziwan ke bi raya resiman hîsanê xo xêz kena û hîkayeyanê xo yê kurdî vana û dîyar kerd ke bi saya fikir û felsefeyê Rayber Apoyî yê cinîye, vera îqtîdarî raya xoverdayîşî taqîb kerde.
Resame Cîhane Şahîn derheqê viraştişê resiman û xoverdayîşî de ANFyî rê qisey kerd.
Cîhane dîyar kerd ke resim cuya aye de çîyo tewr pîroz o û vat; ‘‘Ez bi resimî tayê wextanê xemgînîyanê xo xêz kena. Şexsê kurdan ê namdaran, êyê ke seba azadîye têkoşîn kenê, ez înan zî xêz kena.’’
‘Cinîyan vera îqtîdarî raya xoverdayîşî taqîb kerd’
Cîhane ard ziwan ke komelî de her cinî sey koley ameyêne qebulkerdene, fikrê camêrdan ê îqtîdarî nêwaştêne cinîyî bibê wayîrê rol û mîsyonî, û nê çîyî vatî; ‘‘Şorişê 19ê Temmuze ra dima cinîyan xo îspat kerd, cinîyan xoverdayîşî de bi resim, muzîk û heta mewzîyanê şerî de zî cayê xo girewt û bîyê rayber.’’
‘Bi saya fikranê Rayber Apoyî ma resayê nê daraxî’
Resame Cîhane Şahîn peynîya qiseykerdişê xo de wina vat; ‘‘Bi saya fikranê Rayber Apoyî ma resayê nê daraxî. Hêvîyê mi nê yê ke ez bi raya resiman hîkayayanê kurdîtî şarê xo ra bivaja.’’
