Şaristanê Bochumî yê Almanya de cinîyê kurdî beşdarê Festîvala Kulturan a Vera Nîjadperestîye û Faşîzmî (Ruhr International das Fest der Kulturen) bîyî.

Meclîsê Cinîyan ê Şehîde Asya Yuksel ê Duisburgî zî festîvale de cagirewt. Hemsereka Meclîsî Rehşane Adar festîvale de qisey kerd. Rehşane pare kerd ke dewleta Almanya bi polîtîkayanê xo kurdan krîmînalîze kena û Almanya şermezar kerde.

Roja diyîne de festîvale de Koma Kulîlkên Rojê vejîyaye sehne ser. Cinîyan ê kurdan bi kincanê xo yê neteweyîyan govende girewte. Şarî zaf eleqe mojna govenda cinîyan ê kurdan.

Meclîsê Cinîyan standê xo de werdê kurdan dayî şinasnayene. Cinîyan ê kurdan vilawekî vila kerdî û venga pêro cinîyan ê bînan da ke 15ê hezîrane de, Duisburg de tewrê Festîvala Cinîyan a Zîlane ya 18ine bibê.