Dengbêjîye vatişêkê tarîxê kurdan a ke ewro kultur û hunerê kurdan de cayêkê taybetî gêna.  Emerê Entaxî zî taqîbkerêkê nê kulturî yo. Dengbêj Emerê Entaxî dewa Entaxe ya Licê ya Dîyarbekirî ra yo û serra 1952 de dadîya xo ra bîyo. Serra xo ya 10.ine ra nat bêmabên kilamanê dengbêjîye vano. Dengbêj Emer Entaxî serra 1993 de keyeyê xo reyde dewe ra koçê Dîyarbekirî keno. Domanîya xo de tim dîwanê dengbêjan de goş na kilaman ser û dengbêjan reyde kilamî vatî

Entaxîyîard ziwan ke dengbêjîye seba ey zaf ercaye ya û domanîya xo de kilamê dengbêjîye vatê. Entaxîyî vat: "Babîyê mi dengbêj bi û domanîya mi de ey û dadîya mi wefat kerd. Ez 10 serre bîya, dost û cîranan mi rê behsê dengbêjîya babîyê mi kerdêne û vatêne babîyê to nê kilamî vatêne. Pêro kilamê ke babîyê mi vatêne, mi vistî vîrê xo. Domanîya mi de vengê mi weş bi û ez tewrê dîwanê dengbêjan bîya. Ez nêvana ke ez domanîya xo de dengbêj bîya la mi dengbêjan reyde kilamî vatêne."

"Mi qet mabên nêda dengbêjîye û ez 57 serrî yo  deyîran vana. Key ez kilaman vaja ez xo mîyanê înan de vîndî kena. Zaf merdimî tamê ci ra mehrûm benê. Her kilamêka dengbêjan tarîx a, tarîxê ma ya. Şarê kurdan bi sayê kilamanê dengbêjan zaf serebût û kesayetê girîngî yê şarê kurdan musa û nas kerdî. Dengbêjî eşq a, heskerdiş a, şer a, xoverdayîş a, tarîx a, edebîyat a. Dengbêjîye edebîyato fekkî yê tarîxê Kurdan a. Naye ra dengbêjîye seba mi hunerêk o ke erjê ci nêno muqayesekerdene."

"Ziwanê Kurdkî derya o (Dengiz tirkî yo kurdkîya ci derya yo) û zaf dewlemend o. Heta nika mi 25 deyîrî ardî qeyde.Deyîrê  mi eşq, heskerdiş, şer û xoverdayîş ser o yê. Mi dibistane nêwende û ez deyîran  xo ver o ana were. Mi qet kaxit ser o kilamêke nênuşte. Ez pêro kilaman ezbere zanena. Mi kilama xo ya Xezale 40 serrî verê cû nuşte. Kilama ke mi serra xo ya 10.ine de vatêne, hema zî zanena û vana. Deyîra parçeyêka cuya min a û ez bê kilam nêeşkena biciwîya."

"Ma bi dengbêjîye behsê tarîxê xo kenê. Bi dengbêjîye behsê şerî, hîkayeyî, eşqî û destananê xo kenî. Dengbêjan veng û estbîyayîşê kurdan tarîxî ra vetî û resnayî ewro. Edebîyat û tarîxê kurdan o ke nêame nuştêne hetê dengbêjan ra ame pawitene û ame ardene heta ewro. Dengbêjan reyde rolê lulîbendan û seydayan zî zaf ê. Lulîbendan zî kerd ke kulturê kurdan ganî bimano."

"Dengbêjîye seba mi hunerêk o ke erjê ci nêno muqayesekerdene. Ganî ciwanî wayîrê dengbêjan bivejîyê. Ez sey dengbêj Emerê Entaxî amade ya ke hetkarîya ciwanan bika û kilamanê ke zanena, bimusna înan. Çunke dengbêjîye bingeyê kulturê kurdan a. Ganî dengbêjîye her tim ganî biba."