Gaxano ke pêşwazîkerdişê serra newîye yo Dêrsim de bi coşî û rîtuelanê kahanan ame fîrazkerdene.

Gaxan (Kal) yo ke goreyê tradîsyonanê elewîyan sey pêşwazîkerdişê serra newîye yeno qebulkerdene, her serre mabênê 21ê kanûne û 13ê çeleyî de yeno fîrazkerdene. Dêrsim, Çewlîg, Erzîngan, Gimgim û Sêwas de no tradîsyon bi dîmenanê renginan yeno domnayene.

Merkezê Dêrsimî de bi tewrbîyayîşê xeylêk kesan aktîvîteya qaxanî ameye kerdene. Hemwelatîyanê ke çarçeweya aktîvîte de kincê fîrazkerdişî kerdî piray loqma arê dayî û heta Meydanê Seyîd Rizayî bi def û zûrna rayra şîyî. Şaro ke dima ra meydan de ame têhet bi def û zûrna govende girewte. Aktîvîte bi wendişê duayan û vilakerdişê loqmayan qedîyaye.