Dewa Şirnanî ya qezaya Azarpêrtî ya Çewlîgî de Keyeyê Kultur û Şînî ame akerdene. 

Hemserekê Komeleyanê Elewîyan ê Demokratîkan (DAD) Musa Kulu û Komeleya Dewa Şirnanî Huseyîn Kalî akerdiş de qisey kerd.

Huseyîn Kalî ard ziwan ke înan armanc kerd ke nê keyeyî de pêro dewijî yew ca de bêrê pêser û tim paştî bidê pê.

Hemserekê DADî Musa Kuluyî pare kerd ke ganî elewîyî wayîrê ziwan, kultur û bawerîya xo vejîyê ka vînî nêbê. Kuluyî vat: ''Nêbo şima bimanê ê bînan. Kam ke nasnameyê xo ra dûrî bikewo do vînî bibo.''

Qiseykerdişan ra dima loqmayî ameyî vilakerdene û pê govendan keye ame akerdene.