Festîvala Fîlman a Kolnî ya 32. de 6 beşanê cîyayan de xelatî ameyî dayene. Dîrektora îtalyane Benedetta Argentieri zî bi fîlmê dokumenterî ''The Matchmaker'' Xelata Phoenixî girewte.

Benedetta Argentieri merasîmê xelatan de qisey kerd û vat: ''Rojawan de serkêşîya kurd, ereb, asûrî û cinîyan de bi demokrasî, ekolojî û azadîgîrîya cinîyan de newe ra komelêk yeno awankerdene. Ma nê komelî ra çî musenê ke vera DAÎŞî şer kerdbi. Ez na xelate dîyarîya şerê çêrî yê Rojawanî kena ke her roje hetê dewleta tirke ra yeno qetilkerdene.''