Bajarê Dortmundî yê Almanya de vizêr semedê protestokerdişê polîtkayanê îdamî yê Îranî hetê Dezgehê Keyeyanê Şehîdan û Tepişteyan ê Têkoşînê Azadîye yê Kurdîstanî (KOMAW) ra mîtîngêk ame organîzekerdene.

Mîtîng de ame vîrvîstene ke Îran de bi serran o bi hewayêkê sîstematîkî cezayê îdamî yenê dayene û vatene bitaybetî ciwanê kurdan, aktîvîst, rojnameger û muxalîfî bi bahaneyanê sîyasîyan yenê hedefgirewene û îdamkerdene.

Mîgîng de veng dîya komelê mîyanneteweyîyî ke wa vera na bêedaletîye bêveng memano û vera rejîmê Îranî tewir bigîro. Eşkerayîye de ame vatene ke seba ke îdamî bêrê vindarnayene ganî zextê mîyannetweyîyî bizêdîyo.