Şerwananê enternasyonalîstan ê YPG û YPJyî Rojawan de seba serrgêra 44. ya ronîyayîşê PKKyî klîbê 'Çerxa Şoreşê' amade kerd.

Bager Resîstencîayî derheqê amadekarî û armancê klîbî de ANFyî rê qisey kerd. 

Resîstencîayî vat: ''Klîb de 3 embazê alman, îrlandayîjêk, amerîkayîjêk, çekêk, brezîlyayîjêk û kurdêk kay kenê. Verî ma deyîre amade kerde. Ma waşt ke deyîre wa derheqê têkoşînê azadîye yê kurdan de biba. Ma waştêne ke serrgêra 10. ya Şorişê Rojawanî de nê projeyî bikerê. La hêrişanê nikayênan ra me neçare mendî ke taloq bikerê. Çunke ganî ma erkê xo yê pawitişî bikerdêne. Ma waşt klîb de hetê têkoşînî û hetê cuye bimojnê û bala merdiman biancê hêrişanê vera Kurdîstanî ser. Coka ma binnuşteyê îngilîzî amade kerdî ke xo biresnê hîna zaf merdiman.''

Resîstencîayî pare kerd ke klîb bi slogananê ''"Bijî Serok Apo" û "Bijî Berxwedana Rojava" qedîyeno û vat: ''Ma bi sloganan waşt bimojnê ke fikrê Rayber Apoyî seba dinya çend girîng ê. Bi sloganê 'Bijî Berxwedana Rojava' zî ma mojna ke cuyêka  azade mumkîn a. Şorişê Rojawanî şorişê cinîyan o, ma waşt ney bimojnê. 

Ma venga rayaumûmîya dinya danê ke wayîrê Têkoşînê Azadîye yê Kurdîstanî vejîyê ke serra 45. de raştê hêrişanê barbar û bêexlaqan maneno. Ma venga enternasyonalîstanê dinya danê ke bêrê Rojawanî û bibê hemparê têkoşînî.''