Şaristanê Hamburgî yê Almanya de emser Festîvala Fîlmanê Kurdan a 11. yena kerdene. Emser rîyê Korona ra festîvale do bi hawayêkê onlineyî keyepelê înternetî yê vimeoyî mabênê 19 û 23ê kanûne de bêra kerdene.

Festîvale do 19ê kanûne de saete 19:00 de bi mojnayîşê fîlmê Dîyalogî yê Selîm Yildizî dest pêbikera.

Roja diyîne ya festîvale de xoverdayîşê rojawanî ser o fîlmo anîmasyon, fîlmê "Husbe Hush'' ê Nursele Dogan, fîlmo dokumenter ê ''The Flowers of Rojava" yê dîrektore Selene Verrl bêrê mojnayene.

Roja hîrêyîne de filmê "Bêdengiya Xewnekî" yê Rohan Merwanî û fîlmo dokumenter ê "Altindag-Hope Houses" ê Bayram Balciyî; roja çarine de zî fîlmê ''We Want Franternity'' ê Ozcan Vardarî û fîlmê ''Mamoste'' ê Salîh Çelîk û Kemal Hazanayî do bêrê mojneyene.

Roja peyêne ya festîvale 23ê kanûne de 5 fîlmî do bêrê mojnayene.