Festîvala Fîlmanê Kurdan a Îstanbulî ya 2. bi filmê ''Kurdên Êzidî'' dest pêkerde. Fîlm salona Kultur û Hunerî ya Celîl Candaşî de ame mojnayene. Hemserekê HDPyî Pervîne Buldan û Mîthat Sancar, Hemvervatoxê HDKyî Esengule Demîr û Cengîz Çîçek, Wekîla HDPyî ya Êlihî Ayşe Acar Başaran, nuştoxe Gultene Kaya û endamê rêxistinanê komelê sivîlî zî tewrê aktîvîte bîyî.

Festîvale heta 29ê adare dewam bikera û çarçewa festîvale de do 28 fîlmî bêrê mojnayene. 

Pêşkêşwananê bernameyî nameyê Merkezê KUlturî yê Mezopotamya (MKM) û Kolektîfê Sînema yê Mezopotamya ser temaşekerdoxî selam kerdî û  pare kerd ke nê fîlmî hîkayeyanê kurdan ra virazîyayê.

 Koma Aryen bername de vejîyaye sehne ser û dima fîlmê ''Kurdên Êzidî'' ame mojnayene. Peynîya fîlmî de temaşekerdoxan payan ser de çepikî  kûwayî û roja yewine ya festîvale bi nê hawayî qedîyaye.