Şaristanê Torontoyî yê Kanada de Festîvala Kulturê Kurdan û Haştîye ya 22ine ameye kerdene. Her çiqas varayîş bibi zî kurdan eleqeyêko pîl mojna festîvale.

Festîvale de hêverî Koroya Zarokan/Mezrabotan vejîyaye sehne ser. Hemserekanê Canadian Kurdish Communityî Elîfe Genç û Kadrî Ertugrulî qisey kerd.

Festîvale de dima Mayn Zayd û Hezil vejîyayî sehne ser.

Hemserekê KNKyî Ahmet Karamusî zî xîtabê girseyî kerd û venga pêro kurdan da ke wa wayîrê kultur, ziwan, tarîx û nasnameyê xo vejîyê. Karamusî venga PDKyî zî da û vat: ''Peynîya hemkarîya xo ya bi dewleta tirke bîyarê, hemkarê dişmenî mebê. Ganî ma yewîya xo bîyarê ca. Ez venga hukmatanê Amerîka û Kanada zî dana ke wa destek nêdê dewleta tirke.''

Festîvale de nan, kultur û floklorê kurdan dîyayî şinasnayene. Wekîlê Partîya Muhafazakere ya Kanada Ziad Aboultaifî zî bi mesajêkî paştî daye têkoşînê kurdan.

Peynîya festîvale de hunermendî Mesut Med, Shahriyar, Merwan Tan, Gelawêj û Azad Aslan vejîyayî sehne ser.