Festîvala Kulturê Dêrsimî ya Ewropa ya 12. şaristanê Frankfurtî yê Almanya de yena kerdene. Festîvale hetê Federasyonê Elewîyan ê Demokratîkan (FEDA), Federasyonê Yewinanê Dêrsimî yê Demokratîkan ê Ewropa (ADEF) û Kongreya Înşa ya Dêrsimî (DÎK) ra yena serûberkerdene.

Roja diyîne ya Festîvala Kulturê Dêrsimî raşta eleqeyêkê pîlî yena. Festîvale de roja yewine derheqê Terteleyê Dêrsimî panelêk ame kerdene. Roja diyîne de fîlmo dokument ê 'Vêşnayîşê Dewanê Dêrsimî yê 1994î' ame mojnayene.

Meydanê festîvale de pankarta 'Ma do pîya vera qirkerdişî xo ver bidê, ser bikewê. Vera zulmê zalîmî rayraşîyayîşê ma yê heq û raştîye dewam keno' daliqîyaye.

Festîvale de kulturê Roşanê Gaxanî dîya şinasnayene, seba domanan aktîvîteyî ameyî kerdene û hunermendî vejîyayî sehne ser.