Paytextê Fransa Paris de Festîvala Kulturê Kurdan a 1. 14ê gulane de dest pêkena. Festîvala ke bi hemkarîya Konseya Kurdan a Demokratîke ya Fransa (CDK-F), Enstîtuyê Fikr û Cigêrayîşî ya Kurdîstanî (IREK), Komeleya Kultur û Hunerî ya Kurdîstanî (ACK) û Weqfa Danielle Mitterrand do bêra kerdene, mabênê 14 û 28ê gulane de ya.

Festîvale merkezê Parisî Ille-de-France de do bêra kerdene. Festîvale de muzîk, sînema, tîyatro, kayê şarî, pêramotişî, mitbaxê kurdan û semînetê kincanê neteweyîyan do bêrê mojnayene. 

Komîteya festîvale bi eşkerayîyêke pare kerd ke armancê înan averberdiş, daşinasnayîş û pawitişê kulturê kurdan o. Komîte venga pêro kurdîstanijan da ke wa tewrê festîvale bibê.

Bernameyê festîvale wina yo:

14ê Gulane: Place Opera de rayraşîyayîşê kulturî, saete 12.00

15ê Gulane: Kayê tîyatroyî “Gul Bê Strî Nabe''

17ê Gulane: Bi beşdarîya hunermendanê TEV-ÇANDî konserê Montreuilî

18ê Gulane: Pêramotişê ''Dayîke û Koçberîye'' yê Serdar Mutluyî.

20ê Gulane: Kayê tîyatroyî ''Bêrû''

21ê Gulane: Dîwanê Dengbêjan

25ê Gulane: Kargehê Domanan

26ê Gulane: Panelê Kulturê Kurdan

27ê Gulane: Pêramotişê resam Firat Bertî ''Rûyê Kurdan''

28ê Gulane: Konserê Şivan Perwer, Ayfere Duzdaş, Dîyar Mehravî û Farqîn Azadî.