Festîvala Kulturê Kurdan a Parisî dewam kena. Çarçewa festîvale de xeylêk aktîvîteyî yenê kerdene û tarîxê kurdan û Kurdîstanî dîyenê şinasnayene. Festîvale bi hemkarîya CDK-F, Enstîtuyê Cigêrayîş û Fikran ê serê Kurdîstanî (IREK), Komeleya Kultur û Hunerî ya Kurdîstanî (ACK) û Weqfa Danielle Mitterrand yena kerdene.

Çarçewa festîvale de vizêr bînaya Şaredarîya Montreulî de konserêk ame dayene ke şaredarîye zî paştî dana festîvale. Nameyê Şaredarîya Montreulî ser o Halîma Menhoudy pare kerd ke ê sereberz ê ke bîyê parçeyêkê na enerjî yê û vat: ''Ma do tim hetê kurdan de bibê.''

Çarçewa festîvale de hunermendanê TEV-ÇANDî konserêk da û deyîrê bi kirdkî û kirdaskî vatî. Koma Govende ya Roja Arîne ya TEV-ÇANDî zî vejîyaye sehne ser.

Şewe de werdê kurdan dîyayî şinasnayene. Roja pancşemeyî zî bînaya şaredarîya herêma 10. de pêramotişê 'Dayîke û Koç' ê Serdar Mutluyî do cabigêro. Heta 28ê gulane festîvale do bi konseran, tîyatro, dîwanê dengbêjan, roja domanan, pêramotişê resiman û konserê fînalî dewam bikera.