Festîvala Kulturê Kurdan a Parisî ya 1. a ke 14 rojan dewam kerd, bi konserêkê pîlî qedîyaye. Konserê Salona Konserî ya Gaveauyî de hunermend Ayfere Duzdaş, Diyar Mehrovî, Farqîn Azad û Şivan Perwer vejîyayî sehne ser.

Festîvale bi hemkarîya CDK-F, Enstîtuyê Cigêrayîş û Fikran ê serê Kurdîstanî (IREK), Komeleya Kultur û Hunerî ya Kurdîstanî (ACK) û Weqfa Danielle Mitterrandî 14ê gulane de bi rayraşîyayîşêkê kulturî dest pêkerdbî.

Çarçewa festîvale de bînaya Merkezê Komelê Demokratîkî yê Kurdan de maketêkê Kurdîstanî, dîwanê dengbêjan, tîyatro, pêramotişê fotografan, kargehê domanan, şayîya kûçeyan ameyî kerdene û werdê kurdan dîyayî şinasnayene.

Kurdan reyde armenî, keldanî, asûrî û fransizî zî tewrê konserî bîyî.

Peynîya konserî de nameyê CDK-Fyî ser o Agît Polatî qisey kerd û bale ante ser ke serkêşîya na festîvale de bi hezaran kesî dormeyê kurdan de ameyê yewca. Polatî pare kerd ke ê festîvale dîyarîya gerîlayan kenê.

Festîvale konserî ra pey bi slogananê 'Biciwîyo xoverdayîşê gerîlayan' û 'biciwîyo Serek Apo' qedîyaye.